ನನಗೆ ನನ್ನ ವಯಸ್ಸನ್ನು
ನಿಮ್ಮಿಂದ ಮುಚ್ಚಿಡಬೇಕೆಂದೇನೂ ಇಲ್ಲ,
ಹಾಗೆ ಮುಚ್ಚಿಟ್ಟರೂ,
ಪ್ರತಿ ನೆರಿಗೆಯ ಲೆಕ್ಕಾಚಾರ ಮಾಡಿ
ನನ್ನ ವಯಸ್ಸು ಅಂದಾಜಿಸುವ ಛಾತಿ ನಿಮಗಿದೆ
ಎನ್ನುವುದು ನನಗೆ ಗೊತ್ತು!
ನಿಮ್ಮಿಂದ ಮುಚ್ಚಿಡಬೇಕೆಂದೇನೂ ಇಲ್ಲ,
ಹಾಗೆ ಮುಚ್ಚಿಟ್ಟರೂ,
ಪ್ರತಿ ನೆರಿಗೆಯ ಲೆಕ್ಕಾಚಾರ ಮಾಡಿ
ನನ್ನ ವಯಸ್ಸು ಅಂದಾಜಿಸುವ ಛಾತಿ ನಿಮಗಿದೆ
ಎನ್ನುವುದು ನನಗೆ ಗೊತ್ತು!
ಆದರೆ ನನ್ನ ವಯಸ್ಸು ಹೇಳಿದೊಡನೆ
ಈ ವಯಸ್ಸಿನಲ್ಲಿ
ಏನು ಮಾಡಬೇಕು
ಏನು ಮಾಡಬಾರದು
ಎಂಥ ಬಟ್ಟೆ ತೊಡಬೇಕು
ಯಾರೊಡನೆ ಹೇಗೆ ವರ್ತಿಸಬೇಕು
ಎಲ್ಲಿಗೆ ಹೋಗಬೇಕು
ದುಃಖವಾದಾಗ ಎಷ್ಟು ಅಳಬೇಕು
ಖುಷಿಯಾದಾಗ ಎಷ್ಟು ಮಾತ್ರ ತುಟಿಯಗಲಿಸಬೇಕು
ಗಹಗಹಿಸಿ ನಗುವುದದೆಷ್ಟು ಅಸಭ್ಯ
ಎತ್ತ ಕಡೆ ಸುಳಿಯಬಾರದು
ಯಾರೊಡನೆ ಬೆರೆಯಬಾರದು
ಪ್ರೀತಿಯಲ್ಲಿ ಬೀಳಬಾರದು
ರಸ್ತೆಯಲ್ಲಿ ನಡೆವಾಗ ಸೀಬೆಕಾಯಿ ತಿನ್ನಬಾರದು
ಫುಟ್ಪಾತ್ ಮೇಲೆ ಕುಳಿತು ಕಾಫಿ ಹೀರಬಾರದು
ಇಂಥದ್ದನ್ನು ಬರೆಯಬಾರದು
ದೇವರ ಧ್ಯಾನ ಮಾಡಬೇಕು
ಹಲ್ಲು ಕಿಸಿಯುತ್ತ ಸೆಲ್ಫಿ ತೆಗೆಯಬಾರದು
ಫೇಸ್ಬುಕ್ ಪ್ರೊಫೈಲ್ ಚಿತ್ರ
ದಿನ ಬೆಳಗಾದರೆ ಬದಲಿಸಬಾರದು
ವೈನು, ವೋಡ್ಕಾ ಹೀರಬಾರದು
ಯಾರ ಮೇಲೂ ಮೋಹಗೊಳ್ಳಬಾರದು
ಕಾಮದ ಬಗ್ಗೆಯಂತೂ ... ಉಹು! ಸದ್ದು!!
ಹೀಗೆಲ್ಲ ನೀವು ನನ್ನ ಬದುಕನ್ನು ನಿರ್ದೇಶಿಸುವ ಈ ವಯಸ್ಸಿನಲ್ಲಿ
ಏನು ಮಾಡಬೇಕು
ಏನು ಮಾಡಬಾರದು
ಎಂಥ ಬಟ್ಟೆ ತೊಡಬೇಕು
ಯಾರೊಡನೆ ಹೇಗೆ ವರ್ತಿಸಬೇಕು
ಎಲ್ಲಿಗೆ ಹೋಗಬೇಕು
ದುಃಖವಾದಾಗ ಎಷ್ಟು ಅಳಬೇಕು
ಖುಷಿಯಾದಾಗ ಎಷ್ಟು ಮಾತ್ರ ತುಟಿಯಗಲಿಸಬೇಕು
ಗಹಗಹಿಸಿ ನಗುವುದದೆಷ್ಟು ಅಸಭ್ಯ
ಎತ್ತ ಕಡೆ ಸುಳಿಯಬಾರದು
ಯಾರೊಡನೆ ಬೆರೆಯಬಾರದು
ಪ್ರೀತಿಯಲ್ಲಿ ಬೀಳಬಾರದು
ರಸ್ತೆಯಲ್ಲಿ ನಡೆವಾಗ ಸೀಬೆಕಾಯಿ ತಿನ್ನಬಾರದು
ಫುಟ್ಪಾತ್ ಮೇಲೆ ಕುಳಿತು ಕಾಫಿ ಹೀರಬಾರದು
ಇಂಥದ್ದನ್ನು ಬರೆಯಬಾರದು
ದೇವರ ಧ್ಯಾನ ಮಾಡಬೇಕು
ಹಲ್ಲು ಕಿಸಿಯುತ್ತ ಸೆಲ್ಫಿ ತೆಗೆಯಬಾರದು
ಫೇಸ್ಬುಕ್ ಪ್ರೊಫೈಲ್ ಚಿತ್ರ
ದಿನ ಬೆಳಗಾದರೆ ಬದಲಿಸಬಾರದು
ವೈನು, ವೋಡ್ಕಾ ಹೀರಬಾರದು
ಯಾರ ಮೇಲೂ ಮೋಹಗೊಳ್ಳಬಾರದು
ಕಾಮದ ಬಗ್ಗೆಯಂತೂ ... ಉಹು! ಸದ್ದು!!
ಉದ್ದಟತನ ತೋರುತ್ತೀರಿ
ಹಾಗಾಗಿ ನಾನು ನನ್ನ ವಯಸ್ಸು
ಎಷ್ಟೆಂದು ಹೇಳುವುದಿಲ್ಲವಷ್ಟೇ
ನನಗೂ ನನ್ನ ವಯಸ್ಸು
ಮುಚ್ಚಿಡಬೇಕೆಂದೇನೂ ಇಲ್ಲ...
ಭಾರತಿ ಬಿ. ವಿ.
