ಮಧುರ ಪ್ರೇಮ

ನನ್ನ ನಿನ್ನ ಮಧುರ ಪ್ರೇಮ
ಜನುಮಜನುಮದ ಅಮರಪ್ರೇಮ

ಚಿರಕಾಲವಿರಲಿ ನನ್ನ ನಿನ್ನ ಬಾಂಧವ್ಯದ
ನವನವೀನ ಜೀವನದ ಸುಂದರ ಗಾನ

ಅಂಬಾರಿಯ ಮೇಲೇರಿಸಿ ಕರೆದೊಯ್ಯುವೆ
ನಾ ನಿನ್ನ ಅವಾಗಲೇ ಪ್ರಾರಂಭ
ಹೊಸಜೀವನದ ಪುನರಾರಂಭ

ನಿನ್ನೊಲುಮೆ ನನಗಿರಲು
ಸುಂದರ ಸ್ನೇಹ ನನ್ನದಾದಂತೆ

ನೀ ಕೊಡುವ ಪ್ರೀತಿ ಮಮತೆ ನನಗಿರಲು
ದುಃಖದ ದಿನಗಳು ಕರಗಿ ಹರಿಯುವ ನದಿಯಂತೆ

ನೀ ಭಾವನೆಯ ಸಾಗರ
ನನ್ನ ಜೀವದಲಿ ಬೆರೆತ ಮಂದಾರ

ನನ್ನ ನಿನ್ನ ಮಧುರ ಪ್ರೇಮ
ಕಲ್ಪನೆಗೂ ಮೀರಿದ ನನ್ನೊಲವಿನ ಕಾವ್ಯಪ್ರೇಮ