ಹೆಂಗಸು ಬಿಚ್ಚುವುದಿಲ್ಲ ಮನಸ ...

ಹೆಂಗಸು

ಬಿಚ್ಚುವುದಿಲ್ಲ

ಗಂಡಸಿನ ಹಾಗೆ

ಮನಸ 

ಕಟ್ಟಿಕೊಂಡ ಕನಸ ...

ನಿನ್ನ ಕಣ್ಣುಗಳಳನ್ನ್ಹೊರತುಪಡಿಸಿ ...

ನಿನ್ನ ಕಣ್ಣುಗಳಳನ್ನ್ಹೊರತುಪಡಿಸಿ

ಈ ಪ್ರಪಂಚದಲ್ಲಿ ಬೇರೇನಿದೆ

ಅವು ತೆರೆದರೆ ಹಗಲು

ಅವು ಮುಚ್ಚಿದರೆ ಇರುಳು

तेरी आँखों के सिवा दुनियाँ में रखा क्या है

ये उठे सुबह चले, ये झूके शाम ढले

ತೇರಿ ಆಂಖೋಂ ಕೆ ಸಿವಾ ದುನಿಯಾ ಮೆ ರಕ್ಕಾ ಕ್ಯಾ ಹೈ

ಯೆ ಉಠೆ ಸುಬಹ ಚಲೆ, ಯೆ ಝುಕೆ ಶಾಮ್ ಡಲೆ

ಚಿರಾಗ್ ಹಿಂದಿ ಚಲನಚಿತ್ರದ (1969)  ಮಹಮ್ಮದ್ ರಫಿ ಹಾಡಿರುವ “ತೇರಿ ಆಂಖೋಂ ಕೆ ಸಿವಾ ದುನಿಯಾ ಮೆ ರಕ್ಕಾ ಕ್ಯಾ ಹೈ” ಹಾಡಿನ ಸಾಲುಗಳ ಭಾವಾನುವಾದ.

ನಿನ್ನ ಕಂಗಳಂತೆ ಹೊಳೆಯಲು ...

ನಕ್ಷತ್ರಗಳು
ನಿನ್ನ ಕಂಗಳಂತೆ
ಹೊಳೆಯಲು
ಹೆಣಗಾಡುತಿಹವು ... 

ಹೂಗಳು
ನಿನ್ನ ನಗುವಿನಂತೆ
ಅರಳಲು
ಹೆಣಗಾಡುತಿಹವು ... 

ಮೋಹಕ ನಗು

ನೀ ಬೀರಿದ ಸುಂದರ ನಗು

ಮುಗ್ಧ ಮನಸಿನ ಮೋಹಕ ನಗು

ಸ್ಪೂರ್ತಿಯ ಚಿಲುಮೆಯಲಿ

ಚಿಮ್ಮಿದ ಗುಲಾಬಿ ಹೂ …

ನೆನೆಪುಗಳು …

ನಿನ್ನ ನೆನಪು ಮತ್ತೆ ಮತ್ತೆ ಮರುಕಳಿಸುತಿದೆ

ನೀನಾಡಿದ ಮಾತುಗಳು ಹೃದಯದಲಿ ಅಚ್ಚೊತ್ತಿವೆ

ಕಳೆದ ದಿನಗಳು ಮತ್ತೆ ಬರಲಾರವು

ಸುಂದರ ಸ್ವಪ್ನಗಳು ಮತ್ತೆಂದೂ ಬೀಳವು

ಹೂವಿನ ರಾಶಿಯಲಿ ಜೊತೆಜೊತೆಯಾಗಿ

ಹೆಜ್ಜೆ ಹಾಕಿದ ನೆನಪುಗಳು

ನೆನಪುಗಳಾಗಿಯೇ ಜೊತೆಗುಳಿಯುವುವು ...

ಚಿಂತೆ ಯಾರಿಗಿಲ್ಲ ಹೇಳು ...

ಚಿಂತೆ ಯಾರಿಗಿಲ್ಲ ಹೇಳು

ಅದು ರೋಗವಾಗುವ ಮುನ್ನ

ಬಿಟ್ಟುಬಿಡು, ಮರೆತುಬಿಡು

ಚಿಂತೆ ಎಂಬ ರೋಗವನು

ಆರಿಸಿಬಿಡು ಮನಸಿನ ಜ್ವಾಲೆಯನು

ನನ್ನನ್ನ ಯಾರೂ ಪ್ರೀತಿಸುವವರಿಲ್ಲ

ಎಂಬ ವ್ಯಥೆಗಿಂತ

ನಿನ್ನನ್ನು ನೀನು ಪ್ರೀತಿಸು

ಮನಸಿಗಾದ ಆಘಾತವಾದರೂ

ವಾಸಿಯಾದೀತು ...

ಏನಿದು ಪ್ರೀತಿ ಅಂದ್ರೆ....?

Happy Valentines day...

ಏನಿದು ಪ್ರೀತಿ ಅಂದ್ರೆ....?

ಯಾವಾಗ ನಿಮ್ಮ ತಾಯಿ ಮುತ್ತನ್ನಿತ್ತು "ನನ್ನ ಮಗ ಲಕ್ಷಕ್ಕೆ ಒಬ್ಬ" ಅಂತಾಳಲ್ವಾ...? ಅದು ಪ್ರೀತಿ ...!!

ಯಾವಾಗ ಕೆಲಸ ಮುಗಿಸಿ ಮನೆಗೆ ಬಂದಾಗ ಅಪ್ಪ "ಏನು ಮಗನೇ ತುಂಬಾ ಸುಸ್ತಾದಂತೆ ಕಾಣ್ತಾ ಇದೀಯಾ ?" ಅಂತಾರಲ್ವಾ ಅದು ಪ್ರೀತಿ ...!!

ಯಾವಾಗ ತಮ್ಮ "ಯಾಕೆ ಟೆನ್ಷನ್ ಮಾಡ್ಕೋತೀಯಾ ನಾನಿಲ್ವ ನಿನ್ ಜೊತೇಲಿ" ಅಂತಾನಲ್ವಾ ಅದು ಪ್ರೀತಿ ...!!

ಯಾವಾಗ ಗೆಳೆಯರು "ನೀನು ನಮ್ ಜೊತೆ ಇರ್ಲಿಲ್ಲ ಅಂದ್ರೆ ಮಜಾನೆ ಇಲ್ಲ ಕಣೋ" ಅಂತಾರಲ್ವಾ ಅದು ಪ್ರೀತಿ ...!!

ಇದು ನಿಜವಾದ ಪ್ರೀತಿ ...
ಇಂತಹ ಪ್ರೀತಿಯನ್ನು ಕಳೆದುಕೊಳ್ಳಬೇಡಿ ...

ಪ್ರೀತಿ ಅನ್ನೋದು ಕೇವಲ ಪ್ರೇಮಿಗಳ ನಡುವೆ ಇರುವಂಥದ್ದಲ್ಲ...

ಯಾರು ನಿಮ್ಮ ಜೊತೆಯಲ್ಲಿ ಸದಾ ಇರ್ತಾರೋ ಅವರೆಲ್ಲರೂ ಕೂಡ ನಿಮ್ಮ ಪ್ರೀತಿಯಲ್ಲಿ ವಿಶೇಷವಾಗಿರೋರು

ಇದು ಪ್ರೀತಿ...
ಯಾವಾಗ ಚಿಕ್ಕ ಮಗಳು ತನ್ನೆಲ್ಲ ಶಕ್ತಿಯನ್ನು ಹಾಕಿ ತಂದೆಯ ತಲೆಗೆ ಮಸಾಜ್ ಮಾಡುತ್ತಾಳೋ...

ಯಾವಾಗ ಹೆಂಡತಿ ಗಂಡನಿಗೋಸ್ಕರ ಮಾಡಿದ ಕಾಫಿಯನ್ನು ಒಂದು ಸಿಪ್ ಕುಡಿದು ಕೊಡುತ್ತಾಳೋ...

ಯಾವಾಗ ತಾಯಿ ಕೇಕ್ ನ ವಿಶೇಷವಾದ ಭಾಗವನ್ನ ತನ್ನ ಮಗನಿಗೆ ಅಂತ ತೆಗೆದಿಡುತ್ತಾಳೋ...

ಯಾವಾಗ ಗೆಳೆಯನೊಬ್ಬ ತನ್ನ ಗೆಳೆಯ ಎಲ್ಲಿ ಜಾರಿ ಬೀಳುತ್ತಾನೋ ಅನ್ನೋ ಕಾಳಜಿಯಿಂದ ಕೈಯನ್ನು ಗಟ್ಟಿಯಾಗಿ ಹಿಡಿದು ಕೊಳ್ಳುತ್ತಾನೋ..

ಯಾವಾಗ ತಮ್ಮ ಮೆಸೇಜ್ ಮಾಡಿ “ಯಾವಾಗ ಮನೆಗೆ ಬರ್ತಾ ಇದೀಯಾ” ಅಂತಾ ಕೇಳ್ತಾನಲ್ವಾ?

ಇದು ಪ್ರೀತಿ ಅಂದ್ರೆ ...

ಪ್ರೀತಿಯಂದ್ರೆ ಕೇವಲ ಒಂದು ಹುಡುಗ ಅಥವಾ ಹುಡ್ಗಿನಾ ಕರ್ಕೊಂಡು ಪಾರ್ಕು, ಹೋಟೆಲ್, ಸಿನಿಮಾ ಅಂತಾ ತಿರುಗೊದಲ್ಲ ...!!

ಪ್ರೀತಿಯ ನಿಜವಾದ ಅರ್ಥ " ಕಾಳಜಿ " ಅಂತ...

ಮಧುರ ಪ್ರೇಮ

ನನ್ನ ನಿನ್ನ ಮಧುರ ಪ್ರೇಮ
ಜನುಮಜನುಮದ ಅಮರಪ್ರೇಮ

ಚಿರಕಾಲವಿರಲಿ ನನ್ನ ನಿನ್ನ ಬಾಂಧವ್ಯದ
ನವನವೀನ ಜೀವನದ ಸುಂದರ ಗಾನ

ಅಂಬಾರಿಯ ಮೇಲೇರಿಸಿ ಕರೆದೊಯ್ಯುವೆ
ನಾ ನಿನ್ನ ಅವಾಗಲೇ ಪ್ರಾರಂಭ
ಹೊಸಜೀವನದ ಪುನರಾರಂಭ

ನಿನ್ನೊಲುಮೆ ನನಗಿರಲು
ಸುಂದರ ಸ್ನೇಹ ನನ್ನದಾದಂತೆ

ನೀ ಕೊಡುವ ಪ್ರೀತಿ ಮಮತೆ ನನಗಿರಲು
ದುಃಖದ ದಿನಗಳು ಕರಗಿ ಹರಿಯುವ ನದಿಯಂತೆ

ನೀ ಭಾವನೆಯ ಸಾಗರ
ನನ್ನ ಜೀವದಲಿ ಬೆರೆತ ಮಂದಾರ

ನನ್ನ ನಿನ್ನ ಮಧುರ ಪ್ರೇಮ
ಕಲ್ಪನೆಗೂ ಮೀರಿದ ನನ್ನೊಲವಿನ ಕಾವ್ಯಪ್ರೇಮ