Wednesday, March 9, 2016

ಯುದ್ಧವೆಂದರೆ ...

ಯುದ್ಧವೆಂದರೆ
ಕೋವಿ ಫಿರಂಗಿಗಳು
ಮದ್ದು ಗುಂಡುಗಳು
ಸೋಲು ಗೆಲುವುಗಳು
ಮಾತ್ರವಲ್ಲ ...

ಯುದ್ಧವೆಂದರೆ
ಅಂಗೈಯ ಮದರಂಗಿ ಆರುವ ಮುಂಚೆಯೇ
ಹಣೆಯ ಕುಂಕುಮ ಅಳಿಸಿಕೊಳ್ಳುವ ಹೆಣ್ಣುಗಳು

ಅಪ್ಪನ ತಬ್ಬುವ ಮೊದಲೇ
ತಬ್ಬಲಿಯಾಗುವ ಹಸುಗೂಸುಗಳು
ಮಗನ ಮನಿಯಾರ್ಡರಿಗೆ ಕಾದು ಕುಳಿತ ಹಿರಿಯ ಜೀವಗಳು ...
 

ಯುದ್ಧವೆಂದರೆ
ಇರುವುದೆಲ್ಲವನು ಇಲ್ಲವಾಗಿಸುವ
ಪರರ ನಾಶ ಮಾಡಲು ಹೊರಟು ತಾವೂ ನಾಶವಾಗುವ
ಮನುಷ್ಯರ ಪುರಾತನ
ಆಟ ...

1 comment:

Unknown said...

👌👌👌👌👌