Friday, December 20, 2013

ಮೆರೆಯಬೇಡವೋ ಮನುಜ

ಮೆರೆಯಬೇಡವೋ ಮನುಜ
ಅಂತರಾಳದ ಅಂಕೆ ಮೀರಿ
ಕೊಂಕು ಬೀರಿದೆ ಸುಂಕ ಕಾದಿದೆ

ನೀತಿ ಮೀರದೆ ನೀನು ಭ್ರಾಂತಿ ಕಾಣದೆ
ಹಾದಿ ಸಾಗಯ್ಯ ಮುಂದೆ ಬಿಂಕ ಮಾಡದೆ
ಡಂಭಾಚಾರವು ಏಕೋ ಏಕೋ
ತುಂಬಾ ತೋರಿಕೆ ಏಕೋ ಏಕೋ
ಸಹಜವಾಗಿ ಬಾಳಿ ಬದುಕಯ್ಯ
                                               
ಡೌಲು ತೋರದೆ ಎಂದೂ ಕೇಡು ಹಂಚದೆ
ಪ್ರೀತಿ ಕಾಣಯ್ಯ ಬಂಧು ದ್ವೇಷ ಕಾರದೆ
ಪೊಳ್ಳು ಜಂಭವು ಸಾಕೋ ಸಾಕೋ
ಸುಳ್ಳು ವಂಚನೆ ಸಾಕೋ ಸಾಕೋ
ಸ್ನೇಹದಿಂದ ಲೋಕ ನೋಡಯ್ಯ

ಪ್ರೊ|| ದೊಡ್ಡರಂಗೇಗೌಡ
ಭಾವಗೀತೆಯನ್ನು ಕೇಳಲು ಇಲ್ಲಿ ಕ್ಲಿಕ್ ಮಾಡಿ

No comments: